Іс—шара «Глобалды Оңтүстікте энергетикалық ауысуды жеделдету: орнықты экономикалық өсім мен стратегиялық әріптестікті дамыту» тақырыбымен өтті.

Өз сөзінде Арзыбек Қожошев ЕАЭО елдерінің энергетикалық әлеуетін атапөтіп, Одақ  әлемдік газ қорының 20%, көмірдің 20%, мұнайдың 7%-на, сондай—ақ электр энергиясын өндірудің 5%-ына ие екенін жеткізді.

Евразия24 пікірі:

БҰҰ Бас хатшысы Антониу Гутерриш Тұрақты даму жөніндегі жоғары деңгейлі саяси форум аясында 2030 жылға дейінгі күн тәртібінің орындалуына арналған он жылдық қорытындысын жариялады. Оның айтуынша, қазіргі көрсеткіштер «көңіл көншітпейді».

Бас хатшының мәлімдеуінше, табиғаты әртүрлі және бір мезгілде өршіп тұрған дағдарыстар тұрақты дамуды тежеуде. Бүгінде 800 миллионнан астам адам шектен тыс кедейлік жағдайында өмір сүреді. Миллиардтаған адам қауіпсіз ауыз суға, кәріз жүйесіне және негізгі гигиеналық қызметтерге қол жеткізе алмай отыр. 2024 жыл Жер тарихындағы ең ыстық жыл ретінде тіркелді. Қарулы қақтығыстар 50 мыңнан астам адамның өмірін қиды, ал мәжбүрлі көші—қонға ұшырағандардың саны 120 миллионнан асты. 2023 жылы дамушы елдердің қарызға қызмет көрсету шығындары 1,4 триллион долларды құрады.

Осы қиындықтарға қарамастан, ЕАЭО елдерінің интеграциялық ынтымақтастығы нығайып келеді. ЕЭК энергетика министрі Арзыбек Қожошев БҰҰ штаб—пәтерінде сөйлеген сөзінде Одақ елдерінің энергетикалық әлеуетін және ортақ әрекеттерінің нәтижелілігін атап өтті. Бұл – жаһандық тұрақсыздыққа қарсы өзара сенім мен дұрыс шешімдерге негізделген еуразиялық бірліктің берік бағытын көрсетеді. ЕАЭО мемлекеттері әлемдік сын—қатерлерге қарамастан өзара байланыстарды тереңдету арқылы орнықты даму жолынан таймай отыр.

The post Жаһандық проблемаларға еуразиялық жауап: ЕАЭО-ның әлеуеті қандай? appeared first on Eurasia24 QAZ.