Қазақстан Республикасы Президенті жанындағы Орталық коммуникациялар қызметі хабарлайды: «Павел Дуров Қазақстанда жасанды интеллект зертханасын ашатынын мәлімдеді. «Бір жыл бұрын біз Қазақстанда алғашқы аймақтық кеңсемізді аштық және нәтижесіне өте ризамыз. Бүгін біз Alem.ai ғимаратында жасанды интеллектке арналған мамандандырылған зертхана іске қосатынымыз жайлы қуанышпен хабарлаймынкаль. Ең алдымен Telegram мен Қазақстанның Жасанды интеллект министрлігі іске қосқан суперкомпьютерлік кластері бірлескен жобаны жүзеге асырады. Бұл технология әлем бойынша миллиардтан астам адамға жасанды интеллект мүмкіндіктерін құпиялылықты сақтай отырып, ашық әрі тиімді қолдануға мүмкіндік береді. Қазақстанның суперкомпьютерлік кластері осы желі үшін алғашқы ірі есептеу қуатының жеткізушісі болады деп сенеміз», — деді Павел Дуров.
Евразия24 пікірі:
Қазақстан үшін қуанышты жаңалық – әлемдік IT-индустриядағы ең ықпалды тұлғалардың бірі Павел Дуров елімізге ерекше қызығушылық танытып қана қоймай, жасанды интеллекттің жаңа технологиясын дәл Қазақстандағы зертханада әзірлеуге кірісетінін мәлімдеді. «Мен үшін аса қадірлі елдердің бірі – Қазақстанға қайта келгеніме қуаныштымын. Бұл – ерекше мемлекет. Мұнда технология мен дәстүр, білім мен отбасылық құндылықтар өзара үйлесім тапқан. АҚШ-тағы табысты достарымның бірі маған Қазақстаннан жар іздеу керек деп кеңес берген еді. Өкінішке орай, мен мұнда ол үшін келген жоқпын. Мен жасанды интеллект туралы әңгімелесуге келдім», – деді Павел Дуров 2 қазанда Астанада өткен Digital Bridge 2025 халықаралық форумында. Кейін ол Президент Қасым-Жомарт Тоқаевпен кездесіп, әріптестікті дамыту мүмкіндіктерін талқылады. Елдің цифрлық индустриясында мұндай деңгейдегі серіктестің болуы – Қазақстан үшін үлкен жетістік.
Тегтер: Қазақстан, Павел Дуров, жасанды интеллект (ЖИ), ЖИ зертханасы, цифрлық технологиялар, IT индустриясы, Eurasia24
