Дубай. 9 сәуір. ИНТЕРФАКС – Иран уран байыту бағдарламасын ешқандай жағдайда шектемейді. Бұл туралы бейсенбі күні Иранның Атом энергиясы ұйымының басшысы Мохаммад Эслами мәлімдеді.
«Дұшпандардың уран байыту бағдарламасын шектеу туралы талаптары – орындалмайтын бос тілектер, олар тарих қойнауында қалады», – деп келтіреді оның сөзін ISNA агенттігі.
Эслами қарсы тараптардың Иранның ядролық бағдарламасын тоқтатуға бағытталған әрекеттері, соның ішінде ел аумағына жасалған соққылар да еш нәтиже бермегенін атап өтті.
Бұған дейін, сәрсенбі күні АҚШ президенті Дональд Трамп Тегеранмен уақытша бітім аясында Иран уран байытумен айналыспайды деп мәлімдеген болатын.
«Уран байыту болмайды», – деп жазды Ақ үй басшысы Truth Social әлеуметтік желісінде.
Сонымен қатар, Трамп Вашингтон Иранмен бірге ядролық нысандардағы уран қорларын елден шығару бағытында жұмыс істейтінін айтқан.
