Дубай. 2 наурыз. ИНТЕРФАКС – Кувейттің Қорғаныс министрлігі дүйсенбі күні ел аумағында АҚШ-тың бірнеше әскери ұшағы апатқа ұшырағанын хабарлады, деп жазады The National басылымы.
Ведомство өкілі, полковник Сауд әл-Атванның айтуынша, оқиғаның мән-жайын анықтау мақсатында АҚШ әскерилерімен тығыз үйлестіру жүргізіліп, бірлескен техникалық шаралар қабылданған.
Министрліктің мәліметінше, апатқа ұшыраған ұшақтардың барлық экипаж мүшелері аман қалып, медициналық мекемеге жеткізілген.
Апаттың себептері мен ұшақтардың нақты үлгілері туралы әзірге ақпарат берілмеген.
Бұған дейін CNN телеарнасы Кувейттегі «Әли әл-Салем» америкалық әскери базасынан шамамен 10 шақырым жерде жойғыш ұшақтың құлағанын хабарлаған. Апаттың себебі әлі белгісіз, ұшқыш катапульт жасап үлгерген.
