Вашингтон. 18 тамыз. Интерфакс. – Украинадағы соғысты қысқа мерзімде тоқтатуға болады. АҚШ президенті Дональд Трамптың пікірінше, мұндай мүмкіндік Украина басшысы Владимир Зеленский Қырымды қайтару және НАТО-ға қосылу талабын күн тәртібінен алып тастаған жағдайда ғана жүзеге асады.
«Президент Зеленский қаласа, Ресеймен соғысты бірден тоқтата алады. Қаламаған жағдайда соғысты жалғастыра береді», – деп жазды Трамп Truth Social әлеуметтік желісінде.
Сонымен қатар ол: «Қырым мәселесі қайта қаралмайды. Ол он екі жыл бұрын, Обама тұсында, бір оқ атылмастан берілген. Украина да НАТО құрамына қабылданбайды», – деп мәлімдеді.
Трамп жазбасын: «Кейбір дүниелер ешқашан өзгермейді!!!» – деген сөздермен түйіндеді. Бұл мәлімдеме дүйсенбі күні Вашингтонда өтетін Зеленскиймен кездесудің қарсаңында жарияланды.
