Астана. 31 қаңтар. ИНТЕРФАКС-ҚАЗАҚСТАН – Қазақстанның жаңа Конституциясы жобасында мемлекеттік тіл – қазақ тілі екені, ал орыс тілі ресми мәртебесін сақтайтыны көрсетілген.
«Қазақстан Республикасының мемлекеттік тілі – қазақ тілі. Мемлекеттік ұйымдарда және жергілікті өзін-өзі басқару органдарында қазақ тілімен қатар орыс тілі ресми түрде қолданылады», – делінген сенбі күні жарияланған Негізгі заң жобасының 9-бабында.
Сонымен қатар құжатта мемлекет Қазақстан халқының біртұтас тілдік кеңістігіндегі тілдерді оқып-үйрену мен дамыту үшін қажетті жағдайлар жасауға қамқорлық көрсететіні атап өтілген.
Қолданыстағы Конституцияда тіл мәселелері 7-баппен реттеледі. Онда: «Қазақстан Республикасының мемлекеттік тілі – қазақ тілі. Мемлекеттік ұйымдарда және жергілікті өзін-өзі басқару органдарында қазақ тілімен қатар орыс тілі ресми түрде қолданылады. Мемлекет Қазақстан халқы тілдерін оқып-үйрену мен дамытуға жағдай жасайды», – деп көрсетілген.
