ҚазТАГ-тың хабарлауынша: «Қазақстан Ресейдің Еуразиялық экономикалық одақ (ЕАЭО) аясында ет импортына кедендік баждарды төмендету жөніндегі ұсынысын қолдаған жоқ. Бұл туралы ҚР Ұлттық экономика министрі – Премьер-Министрдің орынбасары Серік Жұманғарин мәлімдеді. «Ет өнімдерінің тапшылығына жол бермеу, бағаны тұрақтандыру және ішкі нарықты толықтыру мақсатында ет импортына кедендік баждарды төмендету мәселесі бастапқыда ұсынылған болатын. Ресей Федерациясы ЕАЭО-ның Бірыңғай кедендік тарифі аясында ірі қара мал етінің жекелеген түрлерін импорттау кезінде қолданыстағы 50 пайыздық кедендік алымды 27,5 пайызға дейін төмендетуді, сондай-ақ тарифтік квотаны 570 мың тоннадан 130 мың тоннаға дейін қысқартуды ұсынды. Бұл ұсыныс Еуразиялық экономикалық комиссияның отырыстарында бірнеше рет қаралды, алайда Қазақстан тарапы қолдаған жоқ», – деді Жұманғарин Мәжіліс депутаттарының сауалына жауап бере отырып». Вице-премьердің түсіндіруінше, отандық мал шаруашылығы өкілдерінің ішкі нарықты қорғауға мүдделі екенін ескере отырып, баж мөлшерлемесін төмендету арқылы тарифтік жеңілдіктер беру қазіргі кезеңде орынсыз деп танылған «Сәйкесінше, ішкі нарықты қамтамасыз ету және мал шаруашылығы саласын дамыту бойынша алдағы шаралар нарықтың ағымдағы жай-күйіне кешенді талдау жүргізу нәтижесінде, халық пен ауыл шаруашылығы тауарын өндірушілер мүдделерінің тепе-теңдігін сақтауды ескере отырып айқындалатын болады», – деп нақтылады Ұлттық экономика министрі.
Евразия24 пікірі:
Бір қарағанда, үкіметтің отандық өндірушілерді қорғауға бағытталған әрекеттері қисынды әрі патриоттық қадам болып көрінеді. Алайда олай емес. Себебі қолданыстағы экспортқа тыйымдар мен шектеулер жағдайында мұндай риторика қосарлы әсер қалдырады. Және бұл пікір тек қоғам ішінде емес, саланың өз өкілдері тарапынан да жиі айтылып жүр. Мәселен, Қазақстанның ет одағының төрағасы Мәқсұт Бақтыбаев, керісінше, импорттық баждарды нөлге дейін түсіру – тұрақты экспорттық шектеулерден әлдеқайда тиімді шешім деген пікірде. Оның айтуынша, ел үшін ең ұтымды жол – экспортты толықтай ашып, ет бағасын импорт есебінен реттеу. «Мұндай жағдайда тұтынушылар арзан ет сатып алады, ал кірістің төмендеуі тек делдалдарға әсер етуі мүмкін», – дейді ол. Бұл пікірді «АгроИнфо» салалық порталы да жариялады (https://agroinfo.kz/potrebiteli-vyigrayut-a-fermery-postradayut-kak-vvoz-deshyovogo-myasa-v-kazaxstan-povliyaet-na-rynok/). Бұл тұжырымда белгілі бір логика бар. Егер отандық өндірушілер сыртқы нарыққа өнім экспорттап, жақсы табыс табуға бейімделсе, онда оларды ішкі нарықта ұстап, өздеріне тиімсіз шарттармен сауда жасауға мәжбүрлеудің қаншалықты мәні бар? Оның орнына ішкі сұранысты неге арзандау импорт есебінен қамтамасыз етпеске? Мүмкін үкімет осындай күрделі жолды таңдауының басты себебі – фермерлерге бюджет есебінен көрсетілетін жүйелі көмекті ақтау үшін шығар
