Еуразия24

Жалпы алғанда, сауалнама нәтижелеріне қарағанда, Тәжікстан, Армения және Өзбекстанда да респонденттердің жартысынан астамы Ресейді басты экономикалық әріптес деп атаған. Нәтижелерге қарап, бұрынғы Кеңес Одағы елдерінде қазіргі экономикалық байланыстарға деген қоғамдық көзқарасқа, саяси ахуал да елеулі әсер ететіні байқалады.

Қытай 2025 жылдың қаңтар-қыркүйек аралығында Ресейден каучук, резеңке және солардан жасалған бұйымдарды 23,8%-ға арттырып, жалпы сомасы $806,23 млн-ға жеткізді. Сонымен қатар пластмасса мен солардан жасалған бұйымдарды импорттау 29,2%-ға өсіп, $447,14 млн-ды құрады. Бұл туралы ҚХР-дың Бас кеден басқармасының мәліметінде көрсетілген.

Орбанның айтуынша, Украинадағы соғыстың үш жылында Венгрия 9,1 млрд форинт (23,1 млрд еуро) жоғалтқан. «Бұл әрбір венгр отбасына шаққанда 2 миллион форинт немесе 5 мың еуроға жуық шығын әкелді. Энергия бағасы шарықтап, инфляция өсті. Ресейге салынған санкциялар Венгрия экономикасына кері әсер етті – сауда көлемі қысқарып, пайыздық мөлшерлемелер жоғарылады. Сондықтан Будапештте өтеді деп жоспарланған саммит – еліміздің тіршілік етуі тұрғысынан аса маңызды», – деді ол сербиялық RTRS телеарнасына берген сұхбатында.

Еуроодақ Украинаға көмек беру үшін Ресейдің бұғатталған активтерін пайдалану бойынша нақты шешімге келген секілді. Бұл туралы Польшаның сыртқы істер министрінің орынбасары Игнаций Немчицкий мәлімдеді. Оның айтуынша, бұл – «репарациялық несие» тетігі, яғни Украина ЕО-дан несие түрінде қаржы алады, ал ол қаражат Ресей Орталық банкінің Еуроодақ аумағында бұғатталған активтерінен алынады.

Халықаралық теңіз ұйымы (IMO) теңіз кемелерінен шығатын көмірқышқыл газы (CO₂) үшін төлем енгізуді қарастыратын, MARPOL конвенциясының VI қосымшасына енгізілетін өзгерістерді талқылауды кейінге қалдырды. Ресей Көлік министрлігінің хабарлауынша, IMO-ның Лондондағы штаб-пәтерінде өткен тиісті комитет сессиясы жұма күні мерзімінен бұрын аяқталған.