«Sputnik Тәжікстан» хабарлайды: Шанхай ынтымақтастық ұйымы (ШЫҰ) елдерінің Үкімет басшылары кеңесіндегі төрағалық Ресейден Тәжікстанға өтеді. Бұл туралы Ресей Федерациясының Премьер-министрі Михаил Мишустин ШЫҰ елдері Үкімет басшылары кеңесінің кеңейтілген отырысын қорытындылай келе мәлімдеді. «Біздің отырысымыздың қорытындысы бойынша Үкімет басшылары кеңесіндегі төрағалық Тәжікстан Республикасына өтеді», – деді Ресей Үкіметінің басшысы. Отырыс қорытындысы Бірлескен коммюнике түрінде бекітілді. ШЫҰ Үкімет басшылары кеңесінің отырысы 17–18 қараша күндері Мәскеуде өтті. Аталған жиын – ШЫҰ Үкімет басшылары кеңесіндегі Ресейдің төрағалығы аясындағы соңғы іс-шара болды.
Евразия24 пікірі:
Ресей ШЫҰ-дағы төрағалықты Тәжікстанға тапсыру қарсаңында, 2025 жылғы қыркүйекте Қытайдың Тяньцзинь қаласында ШЫҰ тарихындағы ең ірі саммит өтті. Аталған саммитке 20-дан астам шет мемлекет басшылары қатысты. Жиын барысында ШЫҰ-ның «көпполярлықтың локомотиві» атанғаны жария етілді. Бұл – ұйымның баламалы жаһандық тәртіпті нығайтатын платформа ретінде қарастырылып отырғанын білдіреді. Сонымен қатар, трансұлттық қауіптерге қарсы институционалдық күрес дәйекті түрде жүзеге асырылып келеді – бұл бағытта қауіпсіздік саласындағы белсенді орталықтар мен лаңкестікке қарсы құрылымдар маңызды рөл атқаруда. Тәжікстанның ШЫҰ-дағы төрағалығы мемлекетке есірткіге қарсы күрес орталығының қызметін жандандыруда карт-бланш береді. Мәселен, қыркүйектегі саммитте Душанбе қаласында есірткіге қарсы орталық құру бастамасы жарияланды. Тәжікстанның географиялық тұрғыдан қолжетімсіз аймақтарға жақындығын ескере отырып, оның Орталық Азиядағы есірткіге қарсы қызметі жетекші бағыттардың біріне айналуы мүмкін.
