Астана. 21 наурыз. ИНТЕРФАКС-ҚАЗАҚСТАН – Қазақстан президенті Қасым-Жомарт Тоқаев халықтың өткенн қайғымен өмір сүрмеуі керектігін айтып, қазақстандықтарды заман талабына сай дамуға шақырды.
«Қазақ халқының тарихында ауыр әрі қасіретті кезеңдер аз емес екені белгілі. Бірақ қазіргі уақытта бұл тақырыпқа қайта-қайта оралып, оны үнемі қайғыға айналдырудың қажеті жоқ. Халқымыз болашаққа сеніммен қарап, өз өмірін прогресс талаптарына сай бейімдеуі тиіс», – деді Тоқаев.
Президенттің айтуынша, өткеннің мұңымен өмір сүретін халық табысқа жете алмайды.
«Қандай қиындық болса да, біз тек алға ұмтылуымыз керек. Халқымыздың тарихи тағдыры өз қолымызда. Біз үшін Қазақстаннан басқа Отан жоқ. Шынын айтқанда, еліміздің дамуы мен өркендеуі бізден басқа ешкімге қажет емес. Сондықтан қазіргі буын жарқын болашақ үшін бар күш-жігерін жұмсауы тиіс», – деп атап өтті мемлекет басшысы.
Тоқаев жастарды технология мен ғылымға тартудың маңызын да ерекше айтты. Оның пікірінше, дәл осы техника мен озық технологиялар, соның ішінде жасанды интеллект, қазіргі мемлекет дамуының негізгі қозғаушы күші болып табылады.
«Біз біртұтас ұлт ретінде біріге алсақ, бұл тарихи жолда міндетті түрде жеңіске жетеміз. Бұл – біздің басты міндетіміз, біздің миссиямыз», – деп түйіндеді президент.
