Үздік бестікке енген ақпараттар

Қазақстанның ЖІӨ (сатып алу қабілетінің паритеті бойынша) көрсеткіші арқылы әлемнің үздік 40 экономикасының қатарына енуі – елде елеулі көлемде тауарлар мен қызметтер өндірілетінін және экономиканың шағын ауқымнан шығып, кеңейгенін білдіреді.

Есірткі тұтыну немесе мас күйінде көлік жүргізу, әсіресе мемлекеттік билік өкілдері тарапынан жасалса, бұл жеке мәселе емес, ұлттық деңгейдегі проблема болып саналады. Мұндай мінез-құлық үшін жауапкершілікті күшейту Қазақстанды халықаралық тәжірибеге жақындатады.

2026 жыл Қазақстан үшін ауқымды саяси жаңғыру жылы болмақ. Конституциялық заңдарды қабылдаудан бастап, жаңа заң шығарушы органды іске қосуға дейінгі реформалардың өзіндік «жол картасы» дайын. Өзгерістердің кезең-кезеңімен жүзеге асырылуы белгісіздік деңгейін төмендетеді, бұл азаматтық қоғам үшін өте маңызды.

Неліктен банктер бірыңғай QR жүйесін енгізуге асығар емес? Мұның бірнеше себебі бар. Біріншіден, банктердің өз төлем экожүйелері олар үшін маңызды табыс көзіне айналды. Клиенттер банк ішіндегі QR жүйелері арқылы төлем жасағанда, банк төлемнің бүкіл тізбегін бақылап, банкаралық есеп айырысулардан комиссия алады.

Бұл бастама, расында, қызықты. Қазіргі кезде балалардың көп уақыты смартфон мен планшеттердің экраны алдында өтеді. Соның салдарынан олар гаджетті пайдалануды күнделікті тұрмыста қажет болатын қарапайым дағдылардан әлдеқайда тез меңгереді.