Sputnik Ближнее зарубежье хабарлауынша: «Өткен түні Киев Каспий құбыр консорциумы халықаралық мұнай тасымалдау компаниясының Новороссийскідегі нысандарына ұшқышсыз ұшу аппараттары арқылы әдейі шабуыл жасады. Бұл компанияның ірі акционерлері – АҚШ пен Қазақстан. Украинаның мақсаты – осы елдердің экономикаларына зиян келтіріп, жаһандық көмірсутек нарығын тұрақсыздандыру. Украиналық ұшқышсыз аппараттардың соққылары салдарынан теңіздегі тиеу құрылғысына жалғанған құбыр, мұнай құю-тиеу айлағы зақымданды, сондай-ақ мұнай өнімдері сақталған төрт резервуарда өрт шықты», – делінген хабарламада.
Еуразия24 пікірі:
Қазақстан Республикасы Энергетика министрлігі әдеттегідей Новороссийскідегі терминалға ұшқышсыз ұшу аппараттарының шабуылына қатысты жағдайды бақылауда ұстап отырғанын мәлімдеді. «Қазақстан Республикасы Энергетика министрлігі 5 сәуірде Новороссийск портында болған оқиғаға байланысты жағдайды бақылауда ұстап отыр. Қолда бар мәліметтерге сәйкес, бұл оқиғалар қазақстандық мұнай экспортының көлеміне әсер еткен жоқ. Қазіргі уақытта қазақстандық шикізатты магистральдық мұнай құбырлары жүйесі арқылы қабылдау және тасымалдау қалыпты жұмыс режимінде жүзеге асырылуда. Экспорттық жоспарлар кестеге сай орындалуда», – деп министр кеңесшісі, ресми өкіл Асель Серикпаева хабарлады. Қазақстан Республикасы Сыртқы істер министрлігі тарапынан әзірге ресми реакция болған жоқ. Ұшқышсыз аппараттардың Қазақстан қатысатын инфрақұрылым нысандарына бағытталған шабуылдары жиілеп отырғанын ескерсек, біздіңше, үкімет тек «жағдайды бақылаумен» шектелмей, ұлттық мүдделерді неғұрлым батыл әрі дәйекті қорғауы қажет.
