Дубай. 16 қыркүйек. ИНТЕРФАКС – Израильдің Газа қаласына бағыттаған соққылары салдарынан 60-тан астам адам көз жұмды, деп хабарлайды араб бұқаралық ақпарат құралдары.
WAFA агенттігінің мәліметінше, дүйсенбі күні жасалған әуе шабуылдарының салдарынан қаза тапқандар саны 62 адамға жеткен.
Ал Al Jazeera телеарнасы Газа қаласындағы Сабра ауданында орын алған шабуыл кезінде төрт адамның мерт болғанын, сондай-ақ бірнеше адамның жараланғанын хабарлады.
Сонымен қатар, Йеменнің “Аль-Масира” телеарнасы Израиль әскери-әуе күштерінің 14 тұрғын үйді, соның ішінде Газадағы ең биік ғимарат – әл-Ғафри мұнарасын, сондай-ақ мектеп, мешіт және қонақүйді жойғанын мәлімдеді.
Бұған дейін Axios порталы израильдік ресми дереккөздерге сілтеме жасап, Израиль қорғаныс армиясы (ЦАХАЛ) Газа қаласына құрлықтық шабуыл бастағанын хабарлаған болатын.
