Астана. 9 қазан. ИНТЕРФАКС-ҚАЗАҚСТАН – Мемлекет басшысы Қасым-Жомарт Тоқаев Тәжікстан Президенті Эмомали Рахмонмен кездесті, деп мәлімдеді ҚР Президентінің баспасөз қызметі.
Кездесу барысында қос ел көшбасшылары стратегиялық әріптестік пен одақтастықты нығайту бағытына берік екенін атап өтті. Сондай-ақ, мемлекеттер арасындағы жоғары деңгейде қол жеткізілген маңызды уағдаластықтардың орындалу барысы талқыланды.
Тараптар аймақтық және жаһандық күн тәртібіндегі өзекті мәселелер бойынша пікір алмасты.
Президент Тоқаев Эмомали Рахмонға «Орталық Азия – Ресей» саммиті мен ТМД мемлекеттері басшылары кеңесінің алдағы отырысын табысты өткізуге ниет білдірді.
