АСТАНА. 4 тамыз. ИНТЕРФАКС-ҚАЗАҚСТАН – Қазақстан президенті Қасым-Жомарт Тоқаев ұшқыш-ғарышкер, мемлекет және қоғам қайраткері Талғат Мұсабаевтың қайтыс болуына байланысты көңіл айтты, деп хабарлады мемлекет басшысының баспасөз қызметі.
«Талғат Амангелдіұлы – үш мәрте ғарышқа сапар шеккен, ашық ғарыш кеңістігіне шыққан, ерліктері арқылы еліміздің абыройын асқақтатқан қаһарман еді», – делінген ұшқыш-ғарышкердің туған-туыстарына жолданған жеделхатта.
Президент Тоқаев Талғат Мұсабаевтың бүкіл еңбек жолы отандық ғарыш саласының дамуына арналғанын атап өтті.
«Сенат депутаты әрі қоғам қайраткері ретінде ол көптеген ізгі бастамалардың бастамашысы болды. Кәсібилігі мен белсенді азаматтық ұстанымы арқылы жұртшылықтың зор құрметіне ие болған Талғат Амангелдіұлының жарқын бейнесі халқымыздың жүрегінде мәңгі сақталады», – делінген жеделхатта.
Талғат Мұсабаев 2025 жылғы 7 қаңтарда 74 жасқа толған еді. Алғаш рет ғарышқа 1994 жылы ұшқан. Ресей Федерациясының Батыры, 1995 жылы «Қазақстан Республикасының Халық Қаһарманы» атақтарымен марапатталған.
Қазақстандық ғарышкер Талғат Мұсабаев дүниеден өтті
|
|
Перепечатка и копирование материалов допускаются только с указанием ссылки на eurasia24.media
Бөлісу:
Читать далее:Related
ЕАЭО аясында ұлттық мүдде қорғалды
Мәжіліс депутаттары мен Үкімет мүшелерінің ЕАЭО шеңберінде Қазақстан азаматтарының мүддесін қорғауға бағытталған шұғыл әрекеті – тағы бір маңызды жетістік. Бұл – ұжымдық жұмыстың нәтижесі ғана емес, мемлекеттің қалай әрекет етуі қажет екенін көрсететін нақты мысал.
Азық-түлік бағасы неліктен тұрақтамайды?
Үкіметтің, соның ішінде Ауыл шаруашылығы министрлігінің азық-түлік бағасының күрт қымбаттауын жаһандық үрдістермен байланыстырып түсіндіруі — негізсіз емес. Алайда бұл түсініктемелер қарапайым қазақстандықтардың өмір сүру сапасын жақсартуға жеткілікті ме?
eGov.kz порталында қауіпсіздік күшейтілді
Цифрлық қызметтерді пайдалануда тәжірибесі аз кей азаматтар электрондық цифрлық қолтаңба, логин мен құпиясөз деректерін делдалдарға тапсырып, кейін оларды жаңартуға мән бермейді . Бұл – электрондық кілтті иесінің келісімінсіз қолдануға жол бермейтін нақты тосқауыл.
Теңсіздік тереңдеп барады
Еліміз болашақта әскери қақтығыс қаупі жоғары он екі елдің қатарына енгізілген. Бұл қауіп-қатердің негізгі себептерінің бірі ретінде – әлеуметтік теңсіздік көрсетілген. Экономист Рахимбек Абдрахмановтың пікірінше, бұл фактор елдің тұрақтылығына тікелей әсер ететін басты сын-қатерге айналып отыр.Елімізде халықтың небәрі 6 пайызы бүкіл тұрғын үй қорының 40 пайызына ие. Ал оның ішінде 1,5 пайызы — тұрғын үйдің 15 пайызын иемденіп отыр. Сол отбасылардың 40 пайызы — бір ғана бөлмеде күн кешуде.