Мәскеу/Бейжің. 2 ақпан. ИНТЕРФАКС – 2025 жылы Қытай Ресейден 109 мың тонна тауық аяқтарын сатып алды. Бұл көрсеткіш 2024 жылмен салыстырғанда 10%-ға артық. Өнімнің құны 5%-ға өсіп, 327 млн АҚШ долларына жетті. Бұл туралы ҚХР Бас кеден басқармасының деректеріне сүйенген федералдық «Агроэкспорт» орталығы хабарлады.
Нәтижесінде Ресей Қытайға тауық аяқтарын жеткізуден түскен табыс көлемі бойынша экспорттаушы елдер арасында бірінші орынға шықты. Ол экспорттық түсімі 326 млн долларды құраған Бразилияны басып озды. Үздік үштікті 219 млн доллармен Таиланд түйіндеді. Одан кейін АҚШ – 69 млн доллар, Беларусь – 33 млн доллар көрсеткішімен орналасқан.
«Агроэкспорт» мәліметінше, 2024 жылы Бразилия Қытайға тауық аяқтарын 638 млн доллар көлемінде экспорттаған, ал Ресейдің көрсеткіші 311 млн долларды құраған.
Аталған өнім Қытайдағы тұтынушылық талғамға байланысты елде таңдаулы тағам санатына жатады.
