Гонконг, 19 қыркүйек. ИНТЕРФАКС. Оңтүстік Корея Пхеньян тарапынан ядролық қарусыздануға бағытталған нақты қадамдар болған жағдайда, оған қарсы енгізілген санкцияларды жеңілдету мүмкіндігін қарастыруға дайын. Бұл туралы жұма күні Оңтүстік Корея президентінің ұлттық қауіпсіздік жөніндегі кеңесшісі Ви Сон Лак мәлімдеді.
«КХДР-дың ядролық қарусыздану процесіне серпін беру үшін қандай да бір жауапты шаралар қажет. Біз келіссөздер барысында санкцияларды жұмсарту мүмкіндігін қарастыруымыз мүмкін», — деп келтіреді оның сөзін Yonhap агенттігі.
Бұған дейін Оңтүстік Корея президенті Ли Чжэ Мен Time журналына берген сұхбатында Сеул Пхеньянға қатысты санкцияларды “тоқтату, қысқарту және қарусыздану” атты үш кезеңнен тұратын жоспары аясында қайта қарауға әзір екенін айтқан болатын.
Алайда осы аптада КХДР билігі елдің ядролық держава ретіндегі мәртебесі мемлекеттің негізгі әрі жоғарғы заңында мәңгілікке бекітілген және бұл мәртебе қайтарымсыз деп мәлімдеді.
