Астана, 19 қыркүйек. ИНТЕРФАКС-ҚАЗАҚСТАН — Қазақстан Президенті Қасым-Жомарт Тоқаев 21–23 қыркүйек аралығында жұмыс сапарымен Нью-Йорк қаласына барады. Бұл туралы Мемлекет басшысының баспасөз қызметі хабарлады.
«Президент БҰҰ Бас Ассамблеясының 80-ші сессиясына қатысады, сондай-ақ бірқатар мемлекеттердің және халықаралық ұйымдардың басшыларымен келіссөздер өткізеді», – делінген жұма күні таратылған хабарламада.
Сапар аясында АҚШ-тың ірі бизнес өкілдерімен «дөңгелек үстел» отырысы өтеді. Сонымен қатар әлемдік жетекші компаниялардың басшыларымен кездесулер жоспарланған.
8 қыркүйекте халыққа жолдауы барысында Қасым-Жомарт Тоқаев Нью-Йоркте өтетін БҰҰ Бас Ассамблеясының мерейтойлық сессиясында сөз сөйлейтінін мәлімдеген еді. Ол бұл алаңда Қазақстанның халықаралық ахуалға қатысты көзқарасын және Біріккен Ұлттар Ұйымын реформалау жөніндегі ұсыныстарын айтып өтті.
