Астана. 15 шілде. ИНТЕРФАКС-ҚАЗАҚСТАН – «Қазіргі таңда ұлттық валютаның күрт әлсіреуіне негіз жоқ», — деп мәлімдеді Қазақстан премьер-министрі Олжас Бектенов.
«Бізде доллар бағамы нарықтық факторлардың негізінде қалыптасады, Ұлттық банк тарапынан қандай да бір араласу жоқ. Бүгінгі күні біздің бағалауымыз бойынша және беделді сарапшылардың басым бөлігінің пікірінше, теңгенің күрт әлсіреуіне ешқандай алғышарттар жоқ», – деді Бектенов сейсенбі күні Астанада үкіметтегі баспасөз конференциясында.
«Біз девальвацияны күтпейміз, теңге бағамының күрт әлсіреуін де болжап отырған жоқпыз», – деп қосты ол.
15 шілдеге белгіленген ресми доллар бағамы – 1 АҚШ долларына 524,24 теңге.
