Астана. 11 қараша. ИНТЕРФАКС-ҚАЗАҚСТАН – Қазақстан президенті Қасым-Жомарт Тоқаев Ресей Федерациясының президенті Владимир Путинмен өтетін алдағы келіссөздердің аса маңызды екенін атап өтті.
«Мемлекеттік сапарым қарсаңында Мәскеуге бағыт ала отырып, Владимир Путинмен өтетін алдағы келіссөздердің айрықша мәнге ие екенін атап өткім келеді», – деп жазды Тоқаев сейсенбі күні «Российская газетада» жарияланған «Мәңгілік достық – халықтарымыз үшін жол көрсететін жұлдыз» атты авторлық мақаласында.
«Соңғы бірнеше айда маған ҚХР Төрағасы Си Цзиньпинмен, АҚШ Президенті Дональд Трамппен, сондай-ақ Еуропа, Азия және Африка елдерінің бірқатар басшыларымен мазмұнды келіссөздер жүргізуге мүмкіндік туды. Олардың көпшілігі геосаяси спектрдің қарама-қарсы полюстерінде тұрғанына қарамастан, барлығы да Ресейдің және оның көшбасшысының халықаралық қатынастардағы күрделі түйткілдерді шешудегі ерекше рөлін мойындайды. Басқаша айтқанда, қазіргі әлемдегі қарама-қайшылықтарды Мәскеудің қатысуынсыз еңсеру мүмкін емес», – деді Қазақстан президенті.
Қазақстан президентінің Мәскеуге мемлекеттік сапары 11–12 қараша күндері өтеді.
