Вашингтон. 8 қаңтар. ИНТЕРФАКС – АҚШ президенті Дональд Трамп Вашингтонның 66 халықаралық ұйымнан шығуын көздейтін меморандумға қол қойды. Бұл туралы Ақ үй хабарлады.
Құжатқа сәйкес, атқарушы биліктің барлық департаменттері мен агенттіктеріне Біріккен Ұлттар Ұйымына кірмейтін 35 ұйыммен, сондай-ақ АҚШ-тың ұлттық мүдделеріне, қауіпсіздігіне, экономикалық әл-ауқатына немесе егемендігіне қайшы әрекет етеді деп танылған БҰҰ-ның 31 құрылымымен ынтымақтастықты және оларды қаржыландыруды тоқтату міндеттеледі.
Ақ үйдің мәлімдеуінше, бұл шешім «АҚШ-тың басымдықтарына нұқсан келтіретін жаһандық бағыттағы мүдделерді ілгерілететін немесе маңызды мәселелерді тиімсіз әрі орынсыз шешетін ұйымдарға америкалық салық төлеушілердің қаражатын жұмсауды және қатысуын тоқтатуға» бағытталған.
Алайда Ақ үй сайтында жарияланған хабарламада аталған ұйымдардың нақты тізімі келтірілмеген.
