Дели. 2 қараша. ИНТЕРФАКС – Үндістан Жер серігі орбитасына әскери мақсаттағы GSAT-7R (CMS-03) байланыс спутнигін сәтті ұшырды. Бұл туралы Үндістанның ғарыштық зерттеулер ұйымы (ISRO) хабарлады.
LVM3-M5 ауыр зымыран-тасығышының ұшырылымы жексенбі күні жергілікті уақыт бойынша 17:26-да (Мәскеу уақытымен 14:56) Үндістанның оңтүстік-шығысындағы Шрихарикота аралында орналасқан Сатиш Дхаван атындағы ғарыш орталығынан жүзеге асырылды.
Аталған спутник Үндістан әскери-теңіз күштерінің кемелері, сүңгуір қайықтары, әскери ұшақтары мен жағалаудағы басқару пункттері арасында нақты уақыт режимінде сенімді байланыс орнатуды қамтамасыз етуге арналған.
Салмағы 4410 келіні құрайтын бұл аппарат – Үндістан аумағынан ұшырылған ең ауыр спутник болып отыр. Ол Жерден 35,7 мың шақырым биіктіктегі геостационарлық орбитаға орналастырылады.
