Мәскеу. 23 наурыз. ИНТЕРФАКС – Дүйсенбі күні Сеулдегі сауда-саттық барысында АҚШ долларына қатысты оңтүстіккореялық вона 17 жылдағы ең төменгі деңгейге дейін әлсіреді. Бұған Таяу Шығыстағы қақтығысқа байланысты инвесторлардың тәуекелден қашуы әсер етті.
Дүйсенбі күні вона 0,83%-ға арзандап, 1 доллар үшін 1517,3 вона деңгейінде жабылды. Бұл – 2009 жылғы 10 наурыздан бергі ең төменгі көрсеткіш. Ол кезде жаһандық қаржы дағдарысы жағдайында ұлттық валюта 1 доллар үшін 1561 вонаға дейін құлдыраған болатын.
АҚШ пен Иранның өңірдегі энергетикалық инфрақұрылым нысандарына соққы жасау мүмкіндігі туралы өзара қоқан-лоққы алмасуы трейдерлердің алаңдаушылығын күшейтті.
Сонымен қатар Оңтүстік Корея билігі мұнай бағасының күрт өсуінен зардап шеккендерді қолдау үшін 25 трлн вона ($16,58 млрд) көлемінде қосымша шығындарды мақұлдағаны хабарланды.
