Берлин, 24 наурыз. ИНТЕРФАКС – Сейсенбі күні Дания азаматтары парламент – Фолькетингтің жаңа құрамын сайлау үшін дауыс беруде, деп хабарлайды еуропалық БАҚ.
Сайлау учаскелері жергілікті уақыт бойынша сағат 8:00-де (Мәскеу уақытымен 10:00) ашылды. Олар 20:00-де (Мәскеу уақытымен 22:00) жабылады. Экзит-полдардың алғашқы нәтижелері учаскелер жабылғаннан кейін көп ұзамай жарияланады деп күтілуде.
Сауалнамаларға сәйкес, Дания премьер-министрі Метте Фредериксеннің «Социал-демократтар» партиясы сайлау додасында алда келеді. Алайда партия Екінші дүниежүзілік соғыстан бергі кезеңдегі ең төмен нәтижесін көрсетуі мүмкін деген болжам бар.
Сайлау қорытындысы бойынша солшыл-орталық бағыттағы партия мен оның одақтастары парламенттегі көпшіліктен айырылуы ықтимал. 179 орындық парламентте көпшілікке ие болу үшін кемінде 90 мандат қажет.
Сайлау Гренландия төңірегіндегі шиеленіс аясында өтуде. Бұған дейін АҚШ президенті Дональд Трамп Дания құрамындағы Гренландияның АҚШ құрамына қосылуын қолдаған болатын. Бұл Дания мен Гренландия билігінің наразылығын туғызды. Кейін Трамп НАТО бас хатшысы Марк Рюттенің ымыралы нұсқа бойынша келіссөз жүргізу туралы ұсынысын қабылдады.
Метте Фредериксен Дания премьер-министрі қызметін 2019 жылдан бері атқарып келеді.
