Дубай, 30 наурыз. ИНТЕРФАКС – Бағдад қаласына жақын орналасқан ирактық авиабазаға зымыранмен шабуыл жасалып, нәтижесінде әскери-көлік ұшағы жойылды. Бұл туралы «Әл-Жазира» телеарнасы Ирак Қорғаныс министрлігіне сілтеме жасап хабарлады.
Министрлік мәліметінше, шабуыл таңертең Мохамед Алаа авиабазасына жасалған. Оқиға салдарынан адам шығыны тіркелмеген.
Қазіргі уақытта жергілікті билік келтірілген залалды бағалап, шабуылдың қайдан жасалғанын анықтап жатыр.
Бұған дейін телеарна тілшісі Бағдадта қатты жарылыстар болғанын хабарлаған. Алдын ала мәлімет бойынша, Ирактың әуе қорғаныс жүйесі зымырандарды ұстап қала алмаған, соның салдарынан арнайы жасаққа тиесілі әскери-көлік ұшағы зақымданып, кейін өртеніп кеткен.
