Астана. 14 мамыр. ИНТЕРФАКС-ҚАЗАҚСТАН — Қазақстан президенті Қасым-Жомарт Тоқаев Turkish Petroleum Corporation компаниясының Қазақстан нарығына шығу жоспарын құптайтынын мәлімдеді.
«Біз Turkish Petroleum Corporation компаниясының Қазақстан нарығына шығу жоспарын қолдаймыз. Еліміз ірі жобаларды бірлесіп жүзеге асыруға мүдделі», — деді Тоқаев Астанада Түркия президенті Режеп Тайип Ердоғанмен өткен келіссөздер қорытындысы бойынша БАҚ өкілдеріне жасаған мәлімдемесінде.
Президенттің айтуынша, келіссөз барысында тараптар энергетика саласындағы ынтымақтастықты тереңдету туралы уағдаластыққа келген.
Сонымен қатар екі ел басшыларының қатысуымен «ҚазМұнайГаз» бен Türkiye Petrolleri Anonim Ortaklığı компаниялары мұнай сервистік қызметтер көрсету саласындағы ынтымақтастық туралы келісімге қол қойды.
