Вашингтон. 23 мамыр. ИНТЕРФАКС – АҚШ-тың Калифорния штатының оңтүстігінде шамамен 40 мың тұрғынға эвакуация туралы нұсқау берілді. Бұған метилметакрилат атты улы зат сақталған резервуардың жарылу қаупі себеп болған. Бұл туралы сенбі күні CNN телеарнасы хабарлады.
Аталған химиялық зат пластмасса өндірісінде қолданылады. АҚШ-тың Қоршаған ортаны қорғау агенттігінің мәліметінше, ол адам ағзасына әсер еткен жағдайда тыныс алу жүйесінде қиындықтар туындатуы мүмкін.
Қауіпті резервуар орналасқан өнеркәсіп аймағы Disneyland ойын-сауық саябағынан шамамен сегіз шақырым, ал Knott’s Berry тақырыптық паркінен алты шақырым қашықтықта орналасқан.
Нысандағы жағдай бейсенбі күні резервуар ішіндегі температураның көтерілуінен кейін күрделене түсті. Бұл жарылыс немесе улы заттың сыртқа шығу қаупін күшейткен. Жұма күні температураны төмендету мүмкін болғанымен, өндірістік апат қаупі әлі де сақталып отыр.
