Лондон. 27 мамыр. ИНТЕРФАКС – Ұлыбританияның энергетикалық нарықты реттеуші органы Ofgem Таяу Шығыстағы әскери қақтығыс салдарынан көтерме нарықтағы бағаның өсуіне байланысты халық үшін электр энергиясы мен газ төлемінің шекті мөлшерін 13%-ға арттыратынын хабарлады.
1 шілдеден бастап энергия жеткізуші компаниялардың үй шаруашылықтарынан алатын жылдық ең жоғары төлемі 1,862 мың фунт стерлингке дейін өседі (шамамен 2,5 мың доллар).
13%-дық өсім 2023 жылдан бергі ең ірі тарифтік өзгеріс болмақ.
Электр энергиясы мен газ төлеміне арналған шекті тарифті Ofgem 2018 жылы енгізген. Ол әр үш ай сайын қайта қаралады. Осыған байланысты бұған дейінгі тариф АҚШ пен Израильдің Иранмен қақтығысы басталғанға дейінгі нарықтық деректер негізінде белгіленген болатын.
Ұлыбританияда Таяу Шығыстағы жағдайдың ушығуынан кейін бір айлық жеткізілімге арналған газ фьючерстері 40%-дан астам қымбаттады. Ал электр энергиясына арналған осындай келісімшарттардың бағасы шамамен үштен бірге өсті.
