Бейжің. 8 маусым. ИНТЕРФАКС – Қытай Халық Республикасының төрағасы Си Цзиньпин мемлекеттік сапармен Солтүстік Кореяға келді. Бұл туралы Синьхуа агенттігі хабарлады.
«Қытай Коммунистік партиясы Орталық комитетінің Бас хатшысы әрі ҚХР төрағасы дүйсенбі күні мемлекеттік сапармен Пхеньянға келді», – делінген агенттік хабарламасында.
Қытай бұқаралық ақпарат құралдарының мәліметінше, сапарға дайындық аясында Пхеньян көшелерінде Си Цзиньпиннің портреттері мен екі елдің мемлекеттік тулары ілінген.
Сондай-ақ қала бойынша корей және қытай тілдерінде жазылған, екі мемлекет арасындағы достықты дәріптейтін баннерлер орналастырылған.
Биыл Пхеньян мен Бейжің арасындағы Достық, ынтымақтастық және өзара көмек туралы шарттың жасалғанына 65 жыл толып отыр.
Си Цзиньпиннің Солтүстік Кореяға соңғы сапары жеті жыл бұрын, 2019 жылғы 20–21 маусымда өткен болатын.
Бұған дейін ҚХР төрағасының КХДР басшысы Ким Чен Ын шақыруымен 8–9 маусым күндері Солтүстік Кореяға баратыны хабарланған еді.
