Берлин. 8 маусым. ИНТЕРФАКС – МАГАТЭ Балтық елдері мен Польша аумағында АҚШ-тың ядролық қаруын ықтимал орналастыру мәселесіне қатысты талқылауларға қатыспайды. Бұл туралы дүйсенбі күні агенттіктің бас директоры Рафаэль Гросси мәлімдеді.
«Жоқ, бұл мәселеде біздің рөліміз жоқ. Біз ядролық қаруға қатысты қызметпен айналысатын ұйым емеспіз. Мұндай мәселелер аталған мемлекеттердің қорғаныс саясаты аясында қарастырылады», – деді ол МАГАТЭ Басқарушылар кеңесінің отырысынан кейін өткен баспасөз мәслихатында.
Гроссидің айтуынша, МАГАТЭ мұндай мәселелерге ядролық қарудың таралуына жол бермеу тұрғысынан қарайды. «Польша да, Балтық елдері де Ядролық қаруды таратпау туралы шартқа қатысушы мемлекеттер болып табылады және осы бағытта жоғары беделге ие», – деп атап өтті ол.
Өткен аптада Financial Times газеті дереккөздерге сілтеме жасап, АҚШ-тың бірқатар еуропалық елдерде, соның ішінде Польша мен Балтық мемлекеттерінде ядролық қаруды, сондай-ақ ядролық оқтұмсықтарды алып жүруге қабілетті ұшақтарды орналастыру мүмкіндігін талқылап жатқанын хабарлаған болатын.
