Астана. 1 шілде. ИНТЕРФАКС-ҚАЗАҚСТАН – Қазақстан халқы Ассамблеясының тарихи миссиясының аяқталуына байланысты елде этносаралық қатынастар мен қоғамдық келісімді дамытудың жаңа тұжырымдамасы әзірленіп жатыр. Бұл туралы Премьер-Министрдің орынбасары – Мәдениет және ақпарат министрі Аида Балаева мәлімдеді.
«Қазақстан халқы Ассамблеясының тарихи миссиясының аяқталуына байланысты этносаралық қатынастар мен қоғамдық келісімді дамытудың жаңа тұжырымдамасы әзірленуде», – деді Аида Балаева сәрсенбі күні Астанада өткен Үкімет отырысында.
Министрдің айтуынша, «Қазақстан халқы Ассамблеясы туралы» заңның күші жойылды. Сондай-ақ кеше Мемлекет басшысы «Қазақстан халық кеңесі» хатшылығын құру туралы жарлыққа қол қойды.
Аида Балаеваның сөзінше, қазіргі уақытта бірқатар заңнамалық түзетулер топтамасы әзірленген. Онда «этномәдени бірлестіктер» ұғымын заңнамалық тұрғыдан бекіту, сондай-ақ Достық үйлерінің құқықтық мәртебесі мен оларды қаржыландыру тәртібін айқындау көзделген.
