Вашингтон. 8 қараша. ИНТЕРФАКС – АҚШ Конгресіндегі демократтар Украинаның қауіпсіздігін қамтамасыз етуге арналған жаңа көмек пакетін әзірлеп жатыр. Оның көлемі 15 млрд доллар болуы мүмкін. Бұл туралы Financial Times басылымы хабарлады.
Басылымның мәліметінше, аралық сайлау қорытындысы бойынша Конгресте көпшілік орынға ие болатын демократтар АҚШ-тың жыл сайынғы қорғаныс туралы заң жобасына (NDAA) түзетулер енгізу арқылы Украинаға көмек бөлуді мақұлдатуға ниетті. Олардың жоспары бойынша, заң жобасы жаңа құрамдағы Конгресс 2027 жылғы қаңтарда жұмысқа кіріскенге дейін қабылдануы мүмкін.
Демократтар құжатқа Ресейге қосымша санкциялар салу, Киевке барлау деректерін беруді және зымырандарды ұстап жоюға арналған зымырандар жеткізуді жалғастыру жөніндегі ережелерді де енгізуге күш салып жатыр.
Газеттің жазуынша, Трамп вето қойған жағдайда, оны еңсеру үшін екі палатаның әрқайсысында дауыстың үштен екісі қажет. Сондықтан демократтарға заң жобасын қабылдату үшін республикашылдардың кем дегенде бір бөлігінің қолдауы керек.
«Президент Трамп пен арнайы өкілдер Уиткофф және Кушнер Украинадағы соғысты тоқтату, президенттің Газа жөніндегі бейбіт жоспарын ілгерілету, берік бейбітшілік пен тұрақтылық орнатуға жағдай жасау үшін шұғыл жұмыс жүргізіп жатыр. Әкімшілік Конгреспен сындарлы ынтымақтастықты қолдайды және оның бақылау өкілеттігі аясындағы негізді сауалдарына жауап береді», – деп мәлімдеді Ақ үй.
