Евразия24ЖаңалықтарАзия қор нарықтары сауданы негізінен төмендеумен аяқтады

Азия қор нарықтары сауданы негізінен төмендеумен аяқтады

|

|

Мәскеу. 16 қараша. ИНТЕРФАКС – Дүйсенбідегі сауда қорытындысы бойынша Азияның негізгі қор индекстері төмендеді. Инвесторлардың назары экономикалық статистикаға ауды.

Қытайдың Shanghai Composite индексі 0,9%-ға төмендесе, Гонконгтың Hang Seng индексі 0,5%-ға өсті.

Қытайдың Мемлекеттік статистика басқармасы дүйсенбі күні хабарлағандай, қазанда елдегі өнеркәсіп өндірісі жылдық есеппен 4,8%-ға өсіп, шілдеден бергі ең төменгі қарқын көрсетті. Осылайша, қыркүйекте соңғы алты айдағы ең жоғары көрсеткішке – 5,5%-ға жеткен өсім баяулады. Trading Economics мәліметінше, сарапшылар қазанда өндіріс көлемі орта есеппен 5,3%-ға артады деп болжаған.

Қытайда бөлшек сауда көлемі өткен айда жылдық есеппен 0,4%-ға өсті. Сарапшылар 0,8% өсім күткен болатын. Қыркүйекте бұл көрсеткіш 1,1%-ды құраған.

Қытайдағы жұмыссыздық деңгейі қазанда алдыңғы айдағы 5,2%-дан 5,1%-ға дейін төмендеп, маусымнан бергі ең төменгі деңгейге жетті. Сарапшылар көрсеткіш қыркүйектегі деңгейде сақталады деп болжаған еді.

Hang Seng индексі құрамында Haidilao International Holding акциялары 5,2%-ға қымбаттап, өсім бойынша көш бастады.

New Oriental Education & Technology және Sands China компанияларының нарықтық құны 3,8%-ға, China Mengniu Dairy – 4,4%-ға, China Resources Beer (Holdings) Co. Ltd. – 3,6%-ға өсті.

Lenovo Group акциялары 5,9%-ға, Semiconductor Manufacturing International Corp. – 5%-ға, Hua Hong Grace Semiconductor – 4,4%-ға, BYD Electronic – 5,2%-ға, CMOC Group Co. Ltd. – 3,6%-ға арзандады.

Жапонияның Nikkei 225 индексі 2,4%-ға төмендеді.Жапония үкіметінің дүйсенбі күні жариялаған алдын ала деректеріне сәйкес, үшінші тоқсанда ел экономикасының көлемі алдыңғы үш аймен салыстырғанда айтарлықтай өзгерген жоқ. Екінші тоқсанда жалпы ішкі өнім (ЖІӨ) бұрын хабарланғандай 0,4%-ға өскен. Сарапшылар шілде-қыркүйек айларында 0,1% өсім болады деп болжаған еді.

Жылдық қарқынға шаққанда ЖІӨ 0,1%-ға қысқарды. Бұл – соңғы бір жылдағы алғашқы төмендеу. Нақтыланған деректер бойынша, екінші тоқсанда бұл көрсеткіш бұрын хабарланған 1,4% емес, 1,7%-ға өскен.

Nikkei 225 индексі құрамында ең көп арзандаған Lasertec акциялары болды. Олардың бағасы 12,8%-ға құлдырады.

Toppan Holdings Inc. компаниясының нарықтық құны 9,6%-ға, Advantest – 11,2%-ға, Taiyo Yuden – 10%-ға, Kokusai Electric – 9,2%-ға төмендеді.

Ал Credit Saison акциялары 16,8%-ға, Nitori Holdings – 9,2%-ға, KDDI Corp. – 3,8%-ға, Kikkoman Corp. – 3,3%-ға, Aeon Co. Ltd. – 3%-ға қымбаттады.

Оңтүстік Кореяның Kospi индексі 3,6%-ға төмендеді. Samsung Electronics компаниясының нарықтық капиталдануы 4,5%-ға, SK Hynix – 7,9%-ға, Posco – 2,4%-ға, Hyundai Motor – 1,5%-ға қысқарды.Korean Air Lines акциялары 0,5%-ға қымбаттады.

Австралияның S&P/ASX 200 индексі 0,4%-ға төмендеді.

BHP компаниясының нарықтық құны 2,8%-ға, Rio Tinto – 2,2%-ға азайды.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

ЕО Украинадағы бейбіт реттеу мәселесі бойынша Ресейдің қатысуымен өз аумағында келіссөздер өткізуге дайын – ЕК өкілі

Еуропалық Одақ Украинадағы қақтығысты бейбіт жолмен реттеу мәселесі бойынша Ресейдің де қатысуымен өз аумағында көпжақты келіссөздер өткізуге дайын. Бұл туралы дүйсенбі күні Еуропалық комиссияның (ЕК) ресми өкілі Паула Пинью мәлімдеді.

ЕО Украинаға 8 млрд еуро көлеміндегі ең ірі қаржылық траншты бөледі

Еуропалық Одақ Кеңесі дүйсенбі күні Украинаға арналған қор (Ukraine Facility) аясында Киевке жуық арада 8 млрд еуроға жуық қаржы бөлуге мүмкіндік беретін шешім қабылдады.

Тоқаев Энергетика министрлігіне жанар-жағармай мен көмір нарығындағы тұрақтылықты қатаң бақылауды тапсырды

Қазақстан Президенті Қасым-Жомарт Тоқаев Энергетика министрі Ерлан Ақкенженовтің биылғы 10 айдағы отын-энергетика кешенінің даму қорытындылары, жылыту маусымының барысы және алдағы кезеңге арналған жоспарлар туралы есебін тыңдады, деп хабарлады Мемлекет басшысының баспасөз қызметі.

Доллардың нығаюы аясында алтын бағасы бір жылдан астам уақыттағы ең төменгі деңгейге түсті

АҚШ Федералдық резерв жүйесінің (ФРЖ) ақша-кредит саясатын қатаңдататыны туралы болжамдардың күшеюі доллар бағамын нығайтып, дүйсенбі күні алтын бағасы бір жылдан астам уақыттағы ең төменгі деңгейге түсті.