Евразия24ЖаңалықтарТоқаев Энергетика министрлігіне жанар-жағармай мен көмір нарығындағы тұрақтылықты қатаң бақылауды тапсырды

Тоқаев Энергетика министрлігіне жанар-жағармай мен көмір нарығындағы тұрақтылықты қатаң бақылауды тапсырды

|

|

Астана. 16 қараша. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Энергетика министрі Ерлан Ақкенженовтің биылғы 10 айдағы отын-энергетика кешенінің даму қорытындылары, жылыту маусымының барысы және алдағы кезеңге арналған жоспарлар туралы есебін тыңдады, деп хабарлады Мемлекет басшысының баспасөз қызметі.

Ақкенженов Президентке мұнай өңдеу көлемі 4,7%-ға өсіп, жанар-жағармайдың жалпы қоры 1,2 млн тоннаға жеткенін баяндады.Хабарламада отандық битум өндірісі 1,1 млн тоннаға жетіп, елдің ішкі сұранысын толық қамтамасыз еткені айтылған.

Сондай-ақ министр Шымкент мұнай өңдеу зауытының қуатын жылына 12 млн тоннаға дейін ұлғайту және Атырау облысында жаңа мұнай-химия кешенін салу жобаларының жүзеге асырылу барысы туралы есеп берді.

Ақкенженов Қашаған мен Жаңаөзендегі жаңа газ өңдеу зауыттарының құрылысы туралы баяндап, Қарашығанақтағы және Қашаған жобасының екінші кезеңіндегі нысандар бойынша EPC келісімшарттары жасалғанын хабарлады.Оның айтуынша, геологиялық барлау жұмыстарын жандандыру мақсатында электрондық аукциондарға рекордтық 112 жер қойнауы учаскесі шығарылған.

Газ саласында жыл соңына дейін халықты газдандыру деңгейі 64,5%-ға жетіп, 13,2 млн азамат табиғи газбен қамтылады.Энергетика министрлігінің мәліметінше, электр станцияларындағы жөндеу жұмыстарына бөлінген қаржы 384 млрд теңгеге дейін ұлғайтылды. Негізгі жабдықтар мен желілер жөнделіп, жылу электр орталықтарының тозу деңгейі төмендеді. Тәуекелі жоғары «қызыл аймақтағы» станциялар саны беске дейін қысқарды.

Биылғы 10 айда электр энергиясын өндіру көлемі 2,3%-ға өсіп, 102,4 млрд кВт·сағ-қа жетті.Сонымен қатар министр энергияны көп тұтынатын деректерді өңдеу орталықтары мен жасанды интеллект технологияларының қажеттілігін ескере отырып, ведомство елдің 2035 жылға дейінгі бірыңғай энергетикалық теңгерімін жаңартуға кіріскенін хабарлады.

Президентке отын-энергетика кешені нысандарында цифрлық егіздерді енгізу және 1,2 млн тұтынушыға көмір жеткізілімін бақылауға арналған бірыңғай платформаны іске қосу туралы да ақпарат берілді.

Кездесу қорытындысы бойынша Тоқаев халықты электр және жылу энергиясымен сенімді қамтамасыз ету, жанар-жағармай мен көмір нарығындағы тұрақтылықты қатаң бақылау, сондай-ақ инвестициялық жобаларды сапалы жүзеге асыру жөнінде бірқатар тапсырма берді.

16 қарашадағы ресми бағам – 1 доллар үшін 444,3 теңге.

Перепечатка и копирование материалов допускаются только с указанием ссылки на eurasia24.media

Бөлісу:

Читать далее:
Related

ЕО Украинадағы бейбіт реттеу мәселесі бойынша Ресейдің қатысуымен өз аумағында келіссөздер өткізуге дайын – ЕК өкілі

Еуропалық Одақ Украинадағы қақтығысты бейбіт жолмен реттеу мәселесі бойынша Ресейдің де қатысуымен өз аумағында көпжақты келіссөздер өткізуге дайын. Бұл туралы дүйсенбі күні Еуропалық комиссияның (ЕК) ресми өкілі Паула Пинью мәлімдеді.

ЕО Украинаға 8 млрд еуро көлеміндегі ең ірі қаржылық траншты бөледі

Еуропалық Одақ Кеңесі дүйсенбі күні Украинаға арналған қор (Ukraine Facility) аясында Киевке жуық арада 8 млрд еуроға жуық қаржы бөлуге мүмкіндік беретін шешім қабылдады.

Азия қор нарықтары сауданы негізінен төмендеумен аяқтады

Дүйсенбідегі сауда қорытындысы бойынша Азияның негізгі қор индекстері төмендеді. Инвесторлардың назары экономикалық статистикаға ауды.

Доллардың нығаюы аясында алтын бағасы бір жылдан астам уақыттағы ең төменгі деңгейге түсті

АҚШ Федералдық резерв жүйесінің (ФРЖ) ақша-кредит саясатын қатаңдататыны туралы болжамдардың күшеюі доллар бағамын нығайтып, дүйсенбі күні алтын бағасы бір жылдан астам уақыттағы ең төменгі деңгейге түсті.