Астана. 16 қыркүйек. ИНТЕРФАКС-ҚАЗАҚСТАН – Қазақстанда агроөнеркәсіптік форум биылғы жылдың қараша айында өтеді. Бұл туралы Мемлекет басшысы Қасым-Жомарт Тоқаев мәлімдеді.
«Қараша айында Астанада екінші агрофорум өткіземіз. Бұл – дәстүрге айналатын іс-шара. Жыл сайын бас қосып, күн тәртібіндегі мәселелерді талқылаймыз, шешімін қажет ететін жайттарды ортаға саламыз. Бұл – агроөнеркәсіптік кешен өкілдерін қолдауға бағытталған мемлекеттік саясаттың маңызды бөлігі», – деді Президент Ақмола облысына жұмыс сапары барысында ауыл шаруашылығы саласының өкілдерімен кездесуде.
Еске салайық, бұған дейін Тоқаев Ақмола облысында егін ору науқанының барысымен танысқан болатын.
