Түркістан облысы Жетісай ауданы Алғабас ауылында өртке оранған үйдің фото-видеосын «Жетінші арна» жариялады.
Жетісай ауданы әкімдігінің баспасөз мәліметі бойынша оқиға болған аумақтың қоршалғанын, фото-видео түсіруге рұқсат берілмегенін айтты. Сөзінше, оқиға орнында облыстың төтенше жағдайлар департаменті, полиция департаменті мамандары жұмыс істеп жатыр.
Бүгін таңғы уақытта Алғабас ауылындағы екі қабатты жеке тұрғын үй өртке оранған. 12 адамның мәйіті табылды.
Президент Қасым-Жомарт Тоқаев марқұм болғандардың туыстарына көңіл айтты.
Президенттің пәрменімен Түркістан облысындағы өртке байланысты Үкіметтік комиссия құрылды. Бұл туралы Үкіметтің баспасөз қызметі мәлім етті.
Түркістан облысы бойынша ІІД «Өрт қауіпсіздігі талаптарын бұзу» бабы бойынша қылмыстық іс қозғағанын мәлімдеді.
Өз кезегінде бала құқықтары жөніндегі уәкіл Динара Зәкиева, үйде екі отбасының мүшелері – ата-анасы мен балалары болыпты. Өрттен шатыр опырылған.
Ал аман қалған үш адам қазір медициналық мекемеде жатыр. Үшеуі де жансақтау бөлімінде, ауыр жағдайда.
