Тег: Eurasia24

Түркия Республикасының астанасы Анкара қаласында Жандармерия және жағалау күзеті академиясының салтанатты бітіру рәсімі өтті. Түлектер қатарында – Қазақстан Республикасы Ішкі істер министрлігі Ұлттық ұланының тоғыз жас офицері бар. Шараға Түркия Республикасы Президентінің қатысуы бұл оқиғаның маңызын арттыра түсті. Рәсім барысында Түркия Президенті Режеп Тайып Ердоған Академияны тәмамдаған түлектерге, оның ішінде Қазақстан Ұлттық ұланының лейтенанты Асхат Сұлтанахметке диплом тапсырды. Бұл сәт Қазақстан мен Түркия арасындағы өзара сенім мен берік серіктестік қатынастардың айқын көрінісі болды.

«Қазақстаннан ғалымдар мен жоғары білікті мамандардың кетуіне қатысты пікірін ғылым және жоғары білім министрі Саясат Нұрбек білдірді. Cardiff University Kazakhstan-ның ашылуында сөйлеген сөзінде ол еліміздегі «ми ағымы» мәселесін қозғады. Министрдің айтуынша, бұл құбылысқа оң көзқараспен қарау қажет. Бір рет айтқан әзілім үшін, үкіметте мені үнемі сынайды. «Ой, brain, brain (ми), ми ағымы, министр мырза», – дейді. Ал мен былай деймін: «Бұған қуану керек. Неге? Егер кететін ми бар болса, демек бізде мықты ми бар. Бізде жақсы мамандар бар», – деді Нұрбек.

«Қазақстан Республикасының Әділет министрлігі 3 қыркүйекте «Белавин Қазақстанға қарсы» ісі бойынша БҰҰ-ның халықаралық сауда құқығы жөніндегі комиссиясы (ЮНСИТРАЛ) арбитраждық талқылауының тоқтатылғанын мәлімдеді. Министрліктің баспасөз қызметінің хабарлауынша, Евгений Белавин Қазақстан Республикасына қарсы талап-арызды 1997 жылы Қазақстан мен Қырғызстан арасында жасалған екіжақты инвестициялық келісім негізінде бастаған. Іс жүргізуді Гаагадағы Тұрақты төрелік сот (ППТС) әкімшілік тұрғыда қадағалады.

“Мұндай болжаммен таныс емеспін. Өз тәжірибемде түрлі экономикалық болжаулардың іс жүзінде орындалмай қалғанына көп рет куә болдым. Біз үкіметтің ресми есебін күтіп отырмыз. Ол 2025 жылдың қазан айында ұсынылады. Сол кезде нақты қандай параметрлер негізге алынғанын, бюджеттің нөлдік тапшылығына қалай қол жеткізілмек екенін көреміз. Әзірге бұл мақсаттың нақты көрінісі байқалмайды. Дегенмен, үкімет тарапынан тиісті құжаттарды аламын деп үміттенемін», – деді ол.

Қыркүйек айында Қазақстанда халықаралық деңгейдегі Қытай–Қазақстан бірлескен жаңа музыкалық жобасының түсірілім жұмыстары басталады. Бұл жобада Димаш Құдайберген атқарушы продюсер ретінде қатысады. Әлемнің әр түкпірінен келген вокалистер Димаштың отанына арнайы келіп, музыкалық шоуға қатысып қана қоймай, еліміздің ең көркем өңірлерін аралап шығады. Dimashnews.com сайтының хабарлауынша, түсірілім жұмыстары 8 қыркүйектен 29 қыркүйекке дейін Түркістан, Алматы, Ақтау және Астана қалаларында өтеді.