Үздік бестікке енген ақпараттар

Британдық The Guardian басылымының Белградтан дайындаған репортажын «Бұл – Еуропа үшін маңызды нышан» деп атауы кездейсоқ емес. Жеңісті тойлауға көшеге ондаған мың адам шықты. 24 жастағы Сара журналистерге күні кеше полиция шерушілерді күшпен таратқан жерде енді олардың жеңімпаз ретінде тұрғанын айтып берді. Еуропа басшылары да қуаныштарын жасырмады.

Қазақстанда атаулы әлеуметтік қолдау көрсету тетіктері жетілдіріліп жатыр. Мемлекеттік көмекті азаматтардың нақты мұқтаждық деңгейіне қарай көрсету үшін отбасылардың материалдық жағдайын объективті бағалауға басымдық берілген. Осыған байланысты үй шаруашылықтарының табысын, мүлкін және қаржылық міндеттемелерін бағалау тәсілдерін өзгертуді көздейтін Отбасының әлеуметтік әл-ауқатын айқындау әдістемесі қайта қаралды.

26 қазанда Ұжымдық қауіпсіздік туралы шарт ұйымының (ҰҚШҰ) есірткіге қарсы өңірлік «Канал» операциясы аясында «Канал – Каспий шамшырағы» атты субөңірлік операция басталды. Іс-шара ҰҚШҰ-ға мүше мемлекеттердің аумағында есірткінің заңсыз айналымына қарсы күрес жүргізетін құзыретті органдардың өкілетті өкілдері кеңесінде қабылданған шешім негізінде өткізіліп жатыр. Операцияға Қазақстан, Беларусь, Қырғызстан, Ресей және Тәжікстан өкілдері қатысуда.

Оқу-ағарту министрі БҰҰ Бас хатшысының арнайы өкілімен кездесті. Мемлекет басшысы Қасым-Жомарт Кемелұлы Тоқаевтың бастамасымен Қазақстанда балалардың құқықтарын қорғауға, зорлық-зомбылықтың алдын алуға және әрбір баланың қауіпсіздігін қамтамасыз етуге бағытталған заңнамалық және институционалдық реформалар жүзеге асырылып жатыр.

«Қазақстан Шанхай ынтымақтастық ұйымы (ШЫҰ) аясында суды үнемдеуге негізделген егіншілікті дамыту жөніндегі бастамаларын ұсынды. ҚР Ауыл шаруашылығы вице-министрі Назгүл Хатепова бастаған делегация Қытайдың Шэньси провинциясында өткен 33-ші Янлин ауыл шаруашылығы көрмесі аясындағы іс-шараларға қатысты.