ВАШИНГТОН. 20 шілде. ИНТЕРФАКС-ҚАЗАҚСТАН — АҚШ президенті Дональд Трамп пен SpaceX компаниясының басшысы Илон Маскарасындағы келіспеушіліктерден кейін Ақ үй SpaceX-пен жасалған мемлекеттік келісімшарттарды қайта қарастыруды қолға алған. Алайда TheWall Street Journal дереккөздеріне сүйенсек, бұл келісімдердің көпшілігі АҚШ қорғаныс саласы мен ғарыш бағдарламасы үшін шешуші рөл атқарады.
Басылымның мәліметінше, әкімшілік SpaceX-пен арадағы көп миллиард долларлық келісімдерді тоқтату ықтималдығын зерттеген. Бұл бастама Трамптың бюджетті қысқарту туралы бастамасынан кейін туындаған. Дегенмен тексеру нәтижесі бұл келісімдердің басым бөлігі Пентагон мен НАСА үшін стратегиялық мәнге ие екенін көрсетті.
Атап айтқанда, Илон Маск бұған дейін Трамптың бюджет жобасын сынға алып, оны «масқара» деп атаған. Өз кезегінде президент Truth Socialжелісінде SpaceX-ке берілетін мемлекеттік келісімшарттарды қысқарту арқылы миллиардтаған доллар үнемдеуге болатынын жазды.
WSJ атап өткендей, SpaceX-пен келісімдерді жою мүмкіндігі қарастырылғанымен, олардың мемлекет үшін маңыздылығы мұндай шешім қабылдауға жол бермеген. Бұған қоса, бұған дейін The Washington Pos tПентагон мен НАСА-ның басқа компанияларды балама тасымалдаушыларды әзірлеуге ынталандырып жатқаны жөнінде хабарлаған.
