Вашингтон. 20 шілде. ИНТЕРФАКС – АҚШ президенті Дональд Трамп Джеффри Эпштейн ісі бойынша алқабилер сотының бірқатар материалдарын жариялауды тапсырды. Алайда Politico басылымының жазуынша, бұл қадам Трамп пен Эпштейн арасындағы байланысты нақтыламауы мүмкін.
Заң бойынша, мұндай материалдарды жариялау үшін федералдық соттыңрұқсаты қажет. Бұл процеске бірнеше ай кетуі ықтимал. Басылымның мәліметінше, АҚШ Әділет министрлігі құжаттардағы жәбірленушілер мен жеке деректерді жасырын ұстау мақсатында оларды өңдеп жатыр.
Трамп мұндай тапсырманы The Wall Street Journal газетінің Эпштейн геқатысты мақаласынан кейін берді. Онда Трамп 2003 жылы Эпштейнге өзініңқолы қойылған әдепсіз сурет сыйлады делінген. Президент қорғаушылары бұл деректі жоққа шығарып, газетке жала жапты деп федералдық сотқа шағымданды.
Осыған байланысты Трамп бас прокурор Пэм Бондиге Эпштейн ісіне қатысты үлкен алқабилер мәліметтерін жариялау туралы тапсырма бергенін Truth Social желісінде растады.
«Бұл демократтардың ұйымдастырған жала науқаны. Мұны тоқтату керек«, – деді Трамп.
Айта кетейік, Джеффри Эпштейн 2019 жылы түрмеде өз-өзіне қол жұмсаған. Ол кәмелетке толмағандарды жезөкшелікке тартты деген айыппен қамауға алынған болатын. Эпштейн Трамппен, экс-президент Билл Клинтонмен және Ұлыбритания ханзадасы Эндрумен араласқан.
