Хельсинки, 18 шілде. ИНТЕРФАКС – 2028–2034 жылдарға арналған Еуроодақ бюджеті аясында Финляндияға Ресеймен шекараны күтіп-ұстауға қосымша 1 миллиард еуро бөлінеді. Бұл туралы жұма күні өткен баспасөз мәслихатында Финляндияның Еуропалық ынтымақтастық және мемлекеттік компаниялармен жұмыс істеу жөніндегі министрі Йоаким Странд мәлімдеді, деп хабарлайды Yle порталы.
«Еуропалық комиссия шекаралық бақылау мен көші-қон бойынша көрсеткіштерді негізге ала отырып, Финляндияға 1,6 миллиард еуро бөлуді ұсынып отыр. Бұл қазіргі бюджет кезеңімен салыстырғанда 1 миллиард еуроға артық», – деді министр.
Страндтың айтуынша, Еурокомиссияның бұл шешімі Финляндияның ел шекарасындағы жағдайға қатысты ұстанымын ескеріп қабылданғанын көрсетеді.
