АҚШ Еуроодақ елдеріне Ресей энергиясынан және ядролық технологиялардан толық бас тартуды ұсынды

Брюссель. 12 қыркүйек. ИНТЕРФАКС – АҚШ Еуропалық Одаққа Ресейден энергия тасымалдауды толық тоқтатуды, Венгрия және Словакия тарапынан орын алған қарсылықтарды елемей, бұл салада біржақты шешім қабылдауды ұсынады, деп жазады Politico басылымы.
«Ресейлік газды толығымен алмастырғымыз келеді», — деді АҚШ-тың энергетика министрі Крис Райт Брюссельде өткен жиында. Оның айтуынша, АҚШ пен ЕО елдері Украинадағы қақтығысты аяқтап, бейбітшілік орнатуға мүдделі.
Сондай-ақ, Венгрия мен Словакия Ресей газынан біртіндеп бас тарту бастамасына қарсылық білдіруде, алайда министр олар Мәскеумен ынтымақтастықты тоқтатуы керек деген пікірде.
Politico мәліметі бойынша, Райт Еуропа басшыларыұымен Американың сұйытылған табиғи газының импорты мен Ресейге қаржылық қолдаудың тоқтатылуын талқылады. Еуропа Ресейден емес, одақтастарынан энергия алуға мүдделі болуы тиіс.
Министр сонымен қатар, еуропалық мемлекеттерді Ресейдің атом энергетикасы орнына баламаларды қарастыруға шақырды. «АҚШ пен ЕО ішінде өндірілген ядролық технологияларды көргіміз келеді», — деді ол.