Иерусалим. 3 ақпан. ИНТЕРФАКС – АҚШ Президентінің Таяу Шығыс жөніндегі арнайы өкілі Стив Уиткофф Израильге келді. Бұл туралы израильдік бұқаралық ақпарат құралдары хабарлады.
Күтілгендей, сейсенбі күні ол Израиль премьер-министрі Биньямин Нетаньяхумен кездесу өткізеді.
Кездесуге сондай-ақ Израиль армиясы Бас штабының бастығы Эйяль Замир мен Сыртқы барлау қызметінің (Моссад) директоры Давид Барнеа қатысады.
Израильдік БАҚ мәліметінше, кездесудің негізгі тақырыбы Иран төңірегіндегі ахуал болмақ.
