Астана. 9 қыркүйек. ИНТЕРФАКС-ҚАЗАҚСТАН – Қазақстанда 2025 жылдың соңына дейін құрылыс саласына арналған бірыңғай ақпараттық жүйе іске қосылады. Бұл туралы ҚР Премьер-министрі Олжас Бектенов Үкімет отырысында мәлімдеді.
«Индустрия және құрылыс министрлігіне осы жылдың соңына дейін құрылыс саласына арналған бірыңғай ақпараттық жүйені іске қосуды тапсырамын», – деді Үкімет басшысы сейсенбі күні өткен отырыста.
Сондай-ақ ол ғимараттарды ақпараттық модельдеу технологияларын, оның ішінде жасанды интеллектіні пайдалана отырып жобалау қажеттігіне назар аударды.
