Астана. 1 наурыз. Интерфакс-Қазақстан – ОПЕК жариялаған материалдарға сәйкес, ОПЕК+ келісімі аясында Қазақстан сәуір айында мұнай өндіру көлемін тәулігіне 10 мың баррельге арттырып, 1,579 млн баррель деңгейіне жеткізе алады.
ОПЕК-тің баспасөз хабарламасында 1 наурыз күні ОПЕК+ құрамындағы сегіз ел сәуір айына арналған мұнай өндіру квотасын тәулігіне 206 мың баррельге ұлғайту туралы шешім қабылдағаны айтылған. Мұндай шешім жаһандық экономиканың тұрақты болжамдарына және мұнай қорларының төмен деңгейімен сипатталатын нарықтағы оң көрсеткіштерге байланысты қабылданған.
Ұйым материалдарында көрсетілгендей, Қазақстан сәуірде мұнай өндіруді тәулігіне 10 мың баррельге көбейтіп, 1,579 млн баррельге дейін жеткізе алады.
Ал наурыз айында республика үшін белгіленген квота тәулігіне 1,569 млн баррельді құраған.
