АСТАНА. 3 қыркүйек. ИНТЕРФАКС-ҚАЗАҚСТАН – Қазақстан Президенті Қасым-Жомарт Тоқаев Екінші дүниежүзілік соғыстағы Жеңістің 80 жылдығына арналған әскери парадқа қатысқан мемлекет басшыларына арналып ұйымдастырылған салтанатты қабылдауға қатысты. Шараны Қытай Халық Республикасының төрағасы Си Цзиньпин Бейжіңде өткізді, деп хабарлайды Мемлекет басшысының баспасөз қызметі.
Сәрсенбі күні таңертең Қасым-Жомарт Тоқаев Тяньаньмэнь алаңында өткен әскери парадқа құрметті қонақ ретінде қатысты.
