Алматы. 7 тамыз. ИНТЕРФАКС-ҚАЗАҚСТАН – Қазақстан Республикасы Үкіметінің баспасөз қызметі «Интерфакс-Қазақстан» агенттігіне Сатжан Аблалиевтің көлік вице-министрі қызметінен босатылғанын растады.
Бұған дейін, 4 тамыз күні, Ұлттық қауіпсіздік комитеті көлік вице-министрінің пара алды деген күдікпен ұсталғанын хабарлаған болатын. Сол кезде ұсталған лауазымды тұлғаның аты-жөні аталмағанымен, әлеуметтік желілерде Сатжан Аблалиевтің ұсталғаны туралы ақпарат тараған еді.
Сатжан Аблалиев 2023 жылдың қазан айында көлік вице-министрі болып тағайындалған. Бұған дейін Солтүстік Қазақстан облысы әкімінің орынбасары қызметін атқарған.
