Вашингтон, 10 шілде – ИНТЕРФАКС. Ресей тарапы Украинадағы жағдайды бейбіт жолмен шешуге қатысты бірқатар бастамаларын ортаға салды. Аталған ұсыныстар АҚШ президенті Дональд Трампқа жеткізілді, деп мәлімдеді Мемлекеттік департамент өкілі Тэмми Брюс.
«Ресейліктер кейбір ойларын білдірді. Оларды (АҚШ Мемлекеттік хатшысыМарко Рубио – ИФ) президентке табыстайды. Енді қандай шешім қабылданатынын күтеміз», – деді ол Куала-Лумпурда Сергей Лавровпен кездесуге қатысты пікір білдіре отырып.
Брюс атап өткендей, мұндай мәселелер бойынша түпкілікті шешім қабылдайтын – президенттің өзі.
Ол сондай-ақ Трамптың бұған дейін Украина бойынша бейбіт келіссөздерде ілгерілеудің жоқтығына алаңдаушылық білдіргенін еске салды.
«Бұл жағдай өзгеруі мүмкін деп үміттенеміз. Біз өз тарапымыздан үдерісте белсенділік танытып, ықпал ете береміз», – деп түйіндеді ресми өкіл.
