Вашингтон. 9 маусым. ИНТЕРФАКС — АҚШ президенті Дональд Трамп телефон арқылы сөйлесу барысында Израиль премьер-министрі Биньямин Нетаньяхуды Иранға қарсы әскери соққылардан әзірге бас тартуға шақырды. Себебі Вашингтон мен Тегеран жақын күндері келісімге қол жеткізуі мүмкін. Бұл туралы The New York Times басылымы хабарлады.
Басылымның бірнеше дереккөзге сілтеме жасап жазуынша, Трамп Израиль басшысына АҚШ пен Иранның маңызды келісімге қол жеткізуге бірнеше күн ғана қалғанын айтқан. Мұндай келісім ұзақмерзімді ядролық мәміле бойынша келіссөздерге жол ашуы мүмкін.
Газет мәліметінше, Трамппен әңгімеден кейін Нетаньяху Израиль әскеріне Иранға жоспарланған жаңа соққыларды кейінге қалдыру туралы тапсырма берген. Бұл ақпаратты америкалық және израильдік ресми тұлғалар растаған.
Ақ үйдің аты-жөнін атамаған өкілінің айтуынша, АҚШ президенті Ормуз бұғазы маңындағы АҚШ ұстанып отырған шектеу шаралары өз күшінде қалатынын мәлімдеген.
Бұған дейін Трамп бірнеше рет АҚШ пен Иранның уақытша келісімге жақындағанын айтқан болатын. Оның пікірінше, мұндай уағдаластық атысты тоқтатуға мүмкіндік беріп, тараптарды Иранның ядролық бағдарламасына қатысты ұзақмерзімді реттеу жөніндегі келіссөздер үстеліне қайта әкелуі мүмкін.
Алайда өткен демалыс күндері Иран мен Израиль арасында өзара соққылар жасалуы жағдайды күрделендіріп жіберді.
