Вашингтон, 6 тамыз. ИНТЕРФАКС-ҚАЗАҚСТАН – АҚШ Президенті Дональд Трамп Ресейге қарсы санкциялар мәселесі бойынша шешім жақын арада қабылданатынын айтты. Бұл туралы ол Вашингтонда журналистерге берген мәлімдемесінде хабарлады.
«Алдағы уақытта қандай шешім қабылданатынын көреміз», – деді ол Ресейге қарсы шаралар қабылдауға дайындығы жөніндегі сұраққа жауап бере отырып.
Трамптың айтуынша, сәрсенбі күні Ресей тарапымен кездесу жоспарланған. «Кездесуден кейін нақты шешім қабылданады», – деп нақтылады АҚШ басшысы.
Мемлекет басшысы бұл ретте енгізілуі мүмкін баж салығының нақты мөлшерін атаудан бас тартты. «Мен бұл сандарды жария еткен емеспін. Алайда осындай бағыттағы шараларды қарастыруымыз мүмкін», – деді ол. Бұған дейін ақпарат құралдары Трамп әкімшілігі 100% көлемінде баж салығын енгізу мүмкіндігін зерделеп жатқанын хабарлаған болатын.
Сонымен қатар Дональд Трамп Украинадағы қақтығысқа қатысты пікір білдіріп, оны «Байденнің соғысы» деп атады. «Менің міндетім – бұл соғыстан елді шығару», – деді АҚШ президенті.
